VENETO LIBARO

[Gattaccio]

Tusi, sabo, domenega e luni se poe 'ndare dove ca se voe, ma via da qua che sarà un forno.

Femo ca 'ndemo?

[alby]

Remo te dirò el parchè co se vedemo. Par Gat a go visto si do CB bianche fala Jolanda m a pena sò passà ga taccà a piovare e sò tornà indrio. Cmq a gero anca mi con un me anigo con Cbr 600 f chel gera na tarma. Par venare e sabo mi non problem a go gome e oio noviquindi......domenega go un impegno.

[Gattaccio]

Forse domenega go anca mi un'impegno

Tegnemo bon sabo, cussì fra unquò e doman, ingrasso ea cadena

[alby]

Si e lavala tuta chea sorzara de moto che te ghè. A gavaria scomesso che quea bianca con kel porta targa beo la gera la tua marti daa jolanda. Dito ti che non te vè a magnar daa Jolanda????? Sempre là...E dopo che ga taccà a sgiossare daa Jolanda so tornà indrio e so ndà a passo giogo e anca li dopo diese minuti do giosse. E ora go deciso de scappar verso la zona de là dea autostrada e sò vegnuo zo par la poretana. E non go sporcà la moto. Ti invesse si. Go caro

[Gattaccio]

Eora un fià de precisasion:

- no dovevo 'ndare a magnare daea Joeanda, ma 'ndare a magnare aea Colla. El me amigo el se gà intardigà (dovevino catarse ae diese in Raticosa e el xè riva ae ondese e un quarto);

- nel fratempo in Raticosa gò catà Roby e ea so dona che i gaveva deciso de 'ndare a magnare daea Joeanda o dopo 'ndare a casa, ghemo bevù un cafè e a cal punto, vista l'ora d'arrivo, tanto vaeva magnare in compagnia e dopo continuare el giro e cussì ghemo fato (i gà d'avere cambià ea cuoca, parche i pici i xè deventà un fià pesanti);

- no te podevi vedare el me portatarga parché ea moto jera parchejà col cueo soto l'albore e el muso verso ea strada;

- co semo vignù fora no pioveva (se ti te si passà che pioveva no jerimo noialtri);

- semo partii verso Imoea pa girare a Coniale, ma fate do curve ghemo incontrà un scravasso e ghemo ciapà ea stradeta del cimitero (a metà curva) e semo fermà soto i pini a spetare che ea smeta;
- gà smesso e semo partii, ma ea moto jera xà smerdà;

- da Coniale ghemo fato tuta strada al suto (Palazzolo al Senio, Passo della Sambuca, Passo della Colla);

- semo fermà un fià e dopo se ghemo messi in moto par 'ndare zò a Borgo S.Lorenzo, ma se vedeva scuro e pena ciapà ea strada par Scarperia, ga scominzià a piovare, no tanto forte e i pini un fià i riparava;

- so rivà al Giogo, par metarme ea tuta, ma là no pioveva e ea zente jera sentà fora;

- a cal punto ghemo continuà fin a Pianoro, sempre coe nuvoe sora ea testa.

Tornà a casa ae oto con 400 km (200 de curve), me sò lavà e so 'ndà in leto.

Jeri go puio un fià ea moto: un loamaro (capisito desso parché no me piase ea piova?) e unquò se ghe no voia, puiso e ingraso ea cadena!

Vaffancueo ea piova. Tutti i siti daseva qualche novoea, ma gnente piova. Soeo IlMeteo.it dava qualche giossa, ma el xè sempre el più pessimista, soeo che stavolta el gaveva rasòn!

[ferrarigp]

Ma cosa sea l'inquisione ,
gat gnanca to moiere a te tende cosi

[Gattaccio]

Zio canoto, te gà rason Antonio!

[alby]

Alà che sarà vero che so moier eo tende cussi. Forse anca de pi cmq come diseo go pena ritirà la moto con le scarpe nove. Doman vago ki in zona a rodarle e sabo se organizzè qlc giro mi a sò pronto. Basta cà nemo al fresco parchè zo se caldo umido. Oncò sò ndà via in scoot praticamente in mudande e infradeo e gera caldo...Sabo se podaria fare zona Cansiglio. La butto li.

[Gattaccio]

[clo 5]

Pero in cansiglio no ghe tute ste strade se fa presto a farlo se proprio te voi nare da che e parti convien ciapare a val zoldana e fare un fia de dolomiti e po nde dove che ve pare che par mi va ben tuto basta che sia fresco che sabo impianto baraca e buratini e vegno via anca mi e vedemo chi che comanda ......................forse pero no dai vegno via tuto el di quasi sicuro e magari partire un fia prima dee undese